D a R e n t n a s t r e s s !

Musik: Sepp Gruber Text Peter Deutinger

1. Im Ruhestand bin ih hiatz a,
ja dös foit ma gau nit schwa;
Aufsteh tua ih irgendwann,
da Tag fang oafach späta an.
Koa Chef ko mit mia ummaschrei,
hiatz bin ih frei, des is zan Gfrei.
Do es dauert gar nit lang,
is mit da Freid vorbei;
Da Rentnastress hoit mih scho ei,
passt`s auf ös hört`s es glei!


2. De Enkal woin mit mia hiaz spün,
Nintendo sagn`s in Gotteswün.
D` Frau hat Wünsche netta gnua,
hiatz hast vü Zeit moand sie dazua.
A bissei pfusch`n soit ih a,
wei dös bring Geid und seig is ra.
Im Verein soitzt jedes Moi,
dabei sei moanas oi.
Mei Gott wie wa mei Leb`n hiatz sche,
kunnt ih in d`Arbat geh.

3. Im Ruhestand bin ih hiatz a,
ja dös foit ma frei so schwa;
Ban Aufsteh muaß ih pünktlich sei,
sunst hoit da Stress mih wieda ei.
Ois Pensionist hast Arbat gnua,
ma brauchat nua meahr Zeit dazua.

Füa Hobby`s ho ih kam dawei,
drumm denk ih mia hiaz glei.
Ih brauchat no vü mea PS,
füa mein Rentnastress.