A b s c h i e d s l i e d
Ih wa so gern ba enk dau blieb`n.
Musik u. Text: Peter Deutinger
F-Dur Intro: (Vagesst`s mih nit ...)

Refrain: Ih wa so gern ba enk dau blieb`n
und woit no so vü toa;
Do hiaza is mei letzta Will`n,
lasst`s mih nit ganz alloa.

I: Vagesst`s mih nit und bet`s füa mih,
des wünschat ih mia no;
Da Herrgott soi enk Trost valeih`n,
mein Seg`n den hab`s ös scho. :I

Refrain: Ih wa so gern ...

I: A enka Zeit is vorbestimmb,
lebt`s z`fried`n macht`s was draus;
Neamb woas was auf eam zuachakimmb
und wann sei Zeit is aus. :I

Refrain: Ih wa so gern ...

I: Za enk mecht ih pfüat Gott hiaz sag`n
und dank`n no dazua;
Tat`s mih auf `n Friedhof trag`n,
wünscht`s mia de ewig Ruah. :I